1ܩܲܫܕܘܼܪܹܐ ܝܠܹܗ ܐَܢܵܫܵܐ ܡܸܢܵܘܟܼܘܿܢ؛ ܟܲܕ ܐܝܼܬ ܠܹܗ ܕܝܼܘܵܢ ܥܲܡ ܚܲܕَ ܐَܚܹܪَܢܵܐ ܕܕܵܝܸܢ ܥܵܘܵܠܹ̈ܐ؛ ܘܠܵܐ ܩܵܕَܡ ܩܲܕܝܼܫܹ̈ܐ؛ 2ܝܲܢ ܠܹܐ ܝܬܘܿܢ ܒܝܼܕܲܥܝܵܐ ܕܩܲܕܝܼܫܹ̈ܐ ܠܥܵܠܡܵܐ ܒܸܬ ܕܵܝܢܝܼ؛ ܘܐܸܢ ܥܵܠܡܵܐ ܡܸܢܵܘܟܼܘܿܢ ܦܝܵܫܵܐ ܝܠܹܗ ܕܝܼܢܵܐ؛ ܠܹܐ ܚܵܫܚܝܼܬܘܿܢ ܠܸܕܝܵܢܵܐ ܕܝܼܘܵܢܹ̈ܐ ܕܒܘܼܫ ܙܥܘܿܪܹ̈ܐ؛ 3ܠܹܐ ܝܬܘܿܢ ܒܝܼܕܲܥܝܵܐ ܕܠܡܲܠܲܐܟܹ̈ܐ ܒܸܬ ܕܵܝܢܵܚ؛ ܟܡܵܐ ܙܵܘܕܵܐ ܐܵܢܝܼ ܕܝܼܢܵܐ ܕܐܵܗܵܐ ܥܵܠܡܵܐ؛ 4ܐܸܠܵܐ ܐܸܢ ܐܝܼܬ ܠܵܘܟܼܘܿܢ ܕܝܼܘܵܢ ܥܲܠ ܡܸܢܕܝܼܵܢܹ̈ܐ ܕܥܵܠܡܵܐ؛ ܠܐܵܢܝܼ ܕܝܼܢܵܐ ܒܵܨܘܿܪܹ̈ܐ ܓܵܘ ܥܹܕܬܵܐ ܡܲܬܒܼܘܿܢ ܠܵܘܟܼܘܿܢ ܒܕܝܼܘܵܢ. 5ܐܝܼܢܵܐ ܠܢܚܸܦܬܵܐ ܒܹܐܡܵܪܵܐ ܝܘܸܢ ܐܸܠܵܘܟܼܘܿܢ. ܒܲܣ ܠܲܝܬ ܓܵܘܵܘܟܼܘܿܢ ܐܘܼܦ ܠܵܐ ܚܲܕَ ܥܵܩܸܠܕܵܪ؛ ܕܡܵܨܹܐ ܕܵܝܸܢ ܒܹܝܠ ܐܵܚܘܿܢܵܐ ܠܐܵܚܘܿܢܹܗ؛ 6ܐܸܠܵܐ ܐܵܚܘܿܢܵܐ ܥܲܡ ܐܵܚܘܿܢܹܗ ܦܝܵܫܵܐ ܝܠܹܗ ܕܝܼܢܵܐ؛ ܘܐܘܼܦ ܗ̇ܝ ܩܵܕَܡ ܠܵܐ ܡܗܘܼܡܢܹ̈ܐ؛ 7ܒܲܣ ܗܲܪ ܐܝܼܬ ܓܵܘܵܘܟܼܘܿܢ ܓܢܵܗܵܐ ܬܲܡܵܡ؛ ܕܕܝܼܘܵܢ ܚܲܕَ ܥܲܡ ܗ̇ܘ ܐَܚܹܪَܢܵܐ ܐܝܼܬ ܠܵܘܟܼܘܿܢ. ܣܵܒܵܒ ܩܵܡܘܿܕܝܼ ܠܹܐ ܝܬܘܿܢ ܩܵܒܿܘܿܠܹܐ ܙܠܘܼܡܝܵܐ؛ ܘܩܵܡܘܿܕܝܼ ܠܹܐ ܝܬܘܿܢ ܩܵܒܿܘܿܠܹܐ ܚܘܼܣܵܪܲܬ؛ 8ܐܸܠܵܐ ܐܲܚܬܘܿܢ ܒܸܙܠܵܡܵܐ ܝܬܘܿܢ؛ ܘܒܸܥܒܼܵܕܵܐ ܝܬܘܿܢ ܚܘܼܣܪܲܬ؛ ܐܘܼܦ ܗ̇ܝ ܠܐܵܚܘܿܢܘܵܬܵܘ̈ܟܼܘܿܢ. 9ܝܲܢ ܠܹܐ ܝܬܘܿܢ ܒܝܼܕܲܥܝܵܐ؛ ܕܥܵܘܵܠܹ̈ܐ ܡܲܠܟܘܼܬܹܗ ܕܐܲܠܵܗܵܐ ܠܹܐ ܝܵܪܬܝܼ؛ ܠܵܐ ܚܵܠܛܝܼܬܘܿܢ. ܠܵܐ ܙܲܢܵܝܹ̈ܐ؛ ܘܠܵܐ ܣܵܓܼܕܵܢܹ̈ܐ ܕܨܵܢܲܡܹ̈ܐ؛ ܘܠܵܐ ܩܲܗܒܹ̈ܐ؛ ܘܠܵܐ ܡܘܼܚܪܸ̈ܒܹܐ؛ ܘܠܵܐ ܕܵܡܟܼܵܢܹ̈ܐ ܥܲܡ ܐܘܼܪ̈ܙܹܐ؛ 10ܘܠܵܐ ܛܲܡܵܥܟܵܪܹ̈ܐ؛ ܘܠܵܐ ܓܹܢܵܒܹ̈ܐ؛ ܘܠܵܐ ܪܵܘܵܝܹܐ؛ ܘܠܵܐ ܨܵܥܪܵܢܹ̈ܐ؛ ܘܠܵܐ ܟ̰ܵܠ̈ܘܿܓ̰ܹܐ؛ ܐܲܢܹܐ ܡܲܠܟܘܼܬܹܗ ܕܐܲܠܵܗܵܐ ܠܹܐ ܝܵܪܬܝܼ. 11ܘܗܲܕܟܼܵܐ ܗَܘܵܘ ܐَܢܵܫܵܐ ܐَܢܵܫܵܐ ܡܸܢܵܘܟܼܘܿܢ؛ ܐܸܠܵܐ ܣܚܹܠܵܘܟܼܘܿܢ ܘܦܸܫܠܵܘܟܼܘܿܢ ܡܩܘܼܕܫܹܐ؛ ܘܦܸܫܠܵܘܟܼܘܿܢ ܡܘܼܟܫܸܛܹܐ ܒܫܸܡܹܗ ܕܡܵܪܲܢ ܝܼܫܘܿܥ ܘܒܪܘܼܚܹܗ ܕܐܲܠܵܗܲܢ. 12ܟܠ ܡܸܢܕܝܼ ܒܕܲܣܬܘܼܪ ܝܼܠܹܗ ܐܸܠܝܼ؛ ܐܸܠܵܐ ܟܠ ܠܹܐ ܝܠܹܗ ܡܵܪܹܐ ܦܲܝܕܵܐ ܐܸܠܝܼ. ܟܠ ܡܸܢܕܝܼ ܒܕܲܣܬܘܼܪ ܝܼܠܹܗ ܐܸܠܝܼ؛ ܐܸܠܵܐ ܥܲܠܝܼ ܐَܢܵܫܵܐ ܠܵܐ ܗܵܟܸܡ. 13ܡܹܐܟܼܘܼܠܬܵܐ ܠܟܹܪَܣܵܐ؛ ܘܟܹܪَܣܵܐ ܠܡܹܐܟܼܘܼܠܬܵܐ؛ ܐܝܼܢܵܐ ܐܲܠܵܗܵܐ ܠܐܵܗܵܐ ܘܠܗ̇ܝ ܒܸܬ ܒܵܛܸܠ. ܘܦܲܓܼܪܵܐ ܠܹܐ ܝܠܹܗ ܠܙܵܢܝܘܼܬܵܐ؛ ܐܸܠܵܐ ܠܡܵܪܲܢ؛ ܘܡܵܪܲܢ ܠܦܲܓܼܪܵܐ. 14ܘܐܲܠܵܗܵܐ ܐܘܼܦ ܠܡܵܪܲܢ ܡܘܼܩܸܡܠܹܗ؛ ܘܐܸܠܲܢ ܒܸܬ ܡܲܩܸܡ ܒܚܲܝܠܹܗ. 15ܠܹܐ ܝܬܘܿܢ ܒܝܼܕܲܥܝܵܐ ܕܦܲܓܼܪܵܘܟܼܘܿܢ ܗܲܕܵܡܹ̈ܐ ܕܡܫܝܼܚܵܐ ܝܢܵܐ؛ ܒܲܣ ܫܵܩܠܸܢ ܗܲܕܵܡܵܐ ܕܡܫܝܼܚܵܐ ܥܵܒܼܕܸܢܹܗ ܗܲܕܵܡܵܐ ܕܡܫܝܼܚܵܐ ܝܢܵܐ؛ ܒܲܣ ܫܵܩܠܸܢ ܗܲܕܵܡܵܐ ܕܡܫܝܼܚܵܐ ܥܵܒܼܕܸܢܸܗ ܗܲܕܵܡܵܐ ܕܙܵܢܝܼܬܵܐ؛ ܚܵܣ ܠܝܼ. 16ܝܲܢ ܠܹܐ ܝܬܘܿܢ ܒܝܼܕܲܥܝܵܐ ܕܗ̇ܘ ܕܬܲܒܸܥ ܠܙܵܢܝܼܬܵܐ؛ ܚܲܕَ ܦܲܓܼܪܵܐ ܝܠܹܗ؛ ܣܵܒܵܒ ܒܹܐܡܵܪܵܐ ܝܠܹܗ؛ ܕܒܸܬ ܗܵܘܝܼ ܬܸܪ̈ܘܵܝܗܝ ܚܲܕَ ܦܲܓܼܪܵܐ. 17ܐܝܼܢܵܐ ܗ̇ܘ ܕܬܲܒܸܥ ܠܡܵܪܲܢ؛ ܚܕܵܐ ܪܘܼܚܵܐ ܝܠܹܗ. 18ܥܪܘܿܩܘܿܢ ܡ̣ܢ ܙܵܢܝܘܼܬܵܐ. ܣܵܒܵܒ ܟܠ ܚܛܝܼܬܵܐ ܕܥܵܒܸܕ ܒܲܪܢܵܫܵܐ ܠܒܲܕܲܪ ܡ̣ܢ ܦܲܓܼܪܹܗ ܝَܠܵܗ̇؛ ܐܝܼܢܵܐ ܗ̇ܘ ܕܥܵܒܸܕ ܙܵܢܝܘܼܬܵܐ؛ ܒܦܲܓܼܪܹܗ ܟܹܐ ܚܵܛܸܐ. 19ܝܲܢ ܠܹܐ ܝܬܘܿܢ ܒܝܼܕܲܥܝܵܐ ܕܦܲܓܼܪܵܘܟܼܘܿܢ ܗܲܝܟܠܵܐ ܕܪܘܼܚܵܐ ܕܩܘܼܕܫܵܐ ܝܠܹܗ ܕܝܼܠܹܗ ܒܝܼܵܘܟܼܘܿܢ؛ ܗ̇ܘ ܕܩܘܼܒܸܠܵܘܟܼܘܿܢ ܡ̣ܢ ܐܲܠܵܗܵܐ؛ ܘܠܹܐ ܝܬܘܿܢ ܕܓܵܢܵܘܟܼܘܿܢ؛ 20ܣܵܒܵܒ ܕܦܸܫܠܵܘܟܼܘܿܢ ܙܒܼܝܼܢܹܐ ܒܛܝܼܡܵܐ. ܒܲܣ ܗܵܘܝܼܬܘܿܢ ܫܵܒܘܿܚܹܐ ܠܐܲܠܵܗܵܐ ܒܦܲܓܼܪܵܘܟܼܘܿܢ.